Këtë të martë, Galicia ishte skena e një operacioni policor kundër trafikut të drogës, me nëntë arrestime të anëtarëve të një rrjeti që përfshin klanin Piturros (galicë), por edhe shqiptarë, italianë, kolumbianë dhe portugeze.
DEA Amerikane, Interpoli, Guardia Civil spanjolle dhe Policia portugeze kanë shkatërruar një grup kriminal dhe vunë në pranga 9 persona, duke përfshirë një portugez, që dyshohet se është përgjegjës për një nga rrjetet më të mëdha ndërkombëtare të trafikut të kokainës që përdor Gadishullin Iberik si një portë për në Evropë.
Hetimet kanë filluar që në vitin 2022 me sekuestrimin e tre tonëve kokainë që po transportoheshin me një anije me flamur afrikan, me destinacion Galicinë dhe Portugalinë.
Gjatë muajit prill të këtij viti, po autoritetet spanjolle sekuestruan në Peniche një skaf dhe 1600 kilogramë kokainë. Në atë kohë autoritetet nuk mundën të arrestonin asnjë nga të përfshirët, por gjetën trupin e një peshkatari portugez, i cili ishte me shenja nga helikat e skafit që kishte tentuar të arratisej.
Pikërisht gjatë hetimit të këtij rasti, u zhvillua edhe operacioni Galicia.
Disa nga të arrestuarit janë anëtaret të klanit Piturros (galician), Kartelit Ballkanik (mafia e njohur shqiptare), Ndrangheta (mafia kalabreze, nga italia) dhe një kartel i njohur kolumbian.
