Kupa e Italisë vazhdon të prodhojë vazhdimisht rezultate surprizë dhe i sotmi në “Diego Maradona” ishte i tillë. Napoli i ka dhënë lamtumirën turneut pasi është mundur në shtëpi thellë 0-4 nga Frosinone.
Vendasit e drejtuar nga Mazarri dominuan pjesën e parë dhe iu afruan më shumë golit. Por në të dytën miqtë gjetën avantazhin me Barreneçea kur regjistrohej minuta e 65-të e sfidës. Vetëm 5 minuta më vonë, Kaso dyfishoi shifrat për miqtë duke ia bërë shumë më të vështirë punën vendasve.
NAPOLI-FROSINONE | SHIKO GOLAT
Penalltia e transformuar me saktësi nga Çedira në minutën e parë shtesë e më pas goli i Harrui në minutën e 95-të, vulosën një fitore të thellë të papritur 4-0 të Frozinones që kalon më tej përballë kampionëve në fuqi të Italisë që janë hija e vetvetes.
