Sulmuesi i Kombëtares, Jasir Asani, pak kohë më parë zbuloi se ishte i dashuruar, por duke mos zbuluar emrin e vajzës që i ka rrëmbyer zemrën.
Së fundmi, futbollisti ka publikuar një foto krah të dashurës teksa po shkëmbejnë një puthje. Ai është siguruar që të mos i zbulojë imazhin, pasi ajo pozon me kurriz nga kamera.
Futbollisti i njohur në një intervistë të dhënë më parë ka treguar se partnerja e tij është shqiptare dhe dëshiron të krijojë një familje të madhe. Por theksoi se i ka kërkuar vajzës që i ka rrëmbyer zemrën të presë edhe pak, pasi dëshiron të fokusohet tek karriera e tij.
Partnerja e Jasirit është një shqiptare e Maqedonisë së Veriut pak vite më e vogël se futbollisti.
