Mbrojtja e ish-kryeministrit Sali Berisha ka kërkuar në Këshillin e Mandateve dhe Imunitetit pezullimin e seancës ku po shqyrtohet kërkesa e SPAK.
Avokati Genc Gjokutaj kërkoi që të shtyhet mbledhja deri në shprehjen e Gjykatës Kushtetuese për masat e sigurisë të dhëna ndaj ish-kryeministrit Sali Berisha. Gjkokutaj sqaroi se në thelb ka një konflikt për procedurat për masën ndaj një deputeti: Mbrojtja vlerëson që SPAK duhet ti drejtohej fillimisht për masën e detyrim paraqitjes Kuvendit pasi është një masë që heq lirinë e deputetit sipas Kushtetutës. Këtu ai solli në vëmendje rastin “Tahiri”, kur parlamenti vendosi që masa e detyrim paraqitjes përbën kufizim lirie.
SPAK nga ana tjetër vlerëson se s’ka nevojë që parlamenti të jetë e procesit.
Kërkesa e parashtruar nga Gjokutaj u rrëzua nga socialistët, duke thënë se nuk ka asnjë bazë ligjore.
Votimi ishte 6 vota pro, me 5 deputetë të mazhorancës dhe Enkelejd ALibeaj që bashkoi votat me ligjvënësit e PS.
