Egila Celami, 29 vjeçe dhe Marsel Tefa, 35 vjeç, nga Burreli janë viktimat e aksidentit që ndodhi mëngjesin e kësaj të hëne në rrugën e Arbrit.
Ngjarja ka ndodhur afër Shkallës së Tujanit, ku dy të rinjtë kanë qënë duke udhëtuar me një automjet tip “Toyota Yaris”, kur janë përplasur me një tjetër mjet tip “Volkswagen” dhe si pasojë kanë rënë nga lartësia në humnerë.
Është dashur ndërhyrja e zjarrfikësve për të nxjerrë trupat e pajetë të dy të rinjve. Ndërkohë shoferi i mjetit tjetër ndodhet në spital në gjendje kritike për jetën.
“Në Rrugën e Arbrit, afër Shkallës së Tujanit, janë përplasur 2 automjete. Si pasojë e përplasjes, njëri nga automjetet ka rënë nga lartësia në humnerë dhe 2 shtetasit që kanë qenë në këtë automjet, kanë humbur jetën. Drejtuesi i automjetit tjetër, shtetasi K.R., ndodhet në spital, në kujdesin e mjekëve. Grupi hetimor po punon për sqarimin e rrethanave të aksidentit dhe për identifikimin e 2 shtetasve që kanë humbur jetën”, njoftoi më herët policia.
