Shumë “luftë” dhe spektakël për një pikë në Rrogozhinë. Erzeni dhe Teuta nuk shkojnë më shumë se barazimi pa gola mes tyre në “Egnatia Arena”, takim i vlefshëm për javën e 17-të.
Një ndeshje direkte mes dy ekipeve për mbvijetesën, por tashmë ndajnë nga një pikë që nuk i hyn në punë asnjërës skuadër për objektivat e tyre. Në minutën e 27-të Teuta do të fitonte një penallti, ku Karabeci do ta humbiste atë në minutën e 31-të.
Një rast i artë që nuk shfrytësohet siç duhet nga durrsakët, me Erzenin që do të kishte shanset më të mira në pjesën e dytë për të gjetur golin. Por gjithsesi as shijakasit nuk do të mund të gjenin portën e kundërshtarëve, teksa Dema në disa raste dhe shtylla do t’i thonin jo golit të Erzenit.
Golat mungonin por jo kartonët. Iljazi do të linte durrsakët me 10-të lojtarë Teutën, teksa në minutën e 88-të do të dilte me karton të kuq, pasi të dytit të verdhë. Minutat e mbetura nuk do të sollën ndryshim të rezultatin me ekipet që ndajnë nga një pike dhe ekipet mbetet në zonën e ftohtë.
