Një banesë është përfshirë nga flakët në orët e para të mëngjesit të sotëm në fshatin Bubullimë të Lushnjës, ku për pasojë ka humbur jetën një i moshuar.
Mësohet se viktima është 82-vjeçari Koli Koçi, ndërsa ka arritur që të shpëtojë bashkëshortja e tij, Kristina Koçi. Paraprakisht dyshohet se shkaku i zjarri ka qenë soba me dru e lënë ndezur gjatë natës.
Banesa ka qenë shumë e vjetër, e ndërtuar me kallama dhe plitharë dhe është shkrumbuar totalisht. Mësohet se viktima është zënë poshtë nga trati i çatisë, i cili ka rënë mbi trupin e të moshuarit gjatë djegies.
Banesa është shkrumbuar totalisht nga flakët. Raportohet se çifti nuk kishin fëmijë dhe për ta kujdeseshin komshinjtë.
Autoritetet po hetojnë për zbardhjen e plotë të rrethanave të zjarrit.
