Megjithëse ende nuk ka filluar seanca plenare, jashtë ambienteve të Kuvendit ka pasur një përplasje fizike mes deputetëve të Partisë Demokratike dhe Gardës së Republikës të cilët kanë marrë “urdhër” ekstrem nga Lindita Nikolla.
Deputetët demokratë Flamur Noka, Edmond Spaho, Dashnor Sula dhe disa deputetë të tjerë të opozitës janë përplasur me forcat e Gardës të cilët kanë vendosur gardh në hyrje të Kuvendit.
Deputetët e PD-së nuk lejohen që të futen brenda ambienteve të Kuvendit me arsyetimin se janë përjashtuar për shkak se seancën e kaluar shkaktuan kaos me flakadanë.
“E keni bërë në burg këtu, pse i ndaloni deputetët? Ja ky është shteti bandit, e kanë bërë bunker këtu. Pse ne i kemi fajet? Pse pa opozitë do ta bëjnë parlamentin këta?! Shikoni kjo është fytyra e Edi Ramës”, u shpreh Flamur Noka ndërsa përplaset me forcat e Gardës.
Ndërkohë, në pamje u shfaq Flamur Noka dhe disa të tjerë, që shkallmonin derën, ndërsa u dëgjua si thyerje xhamash.
Deputetët e përjashtuar:
Gazment Bardhi
Sali Berisha
Flamur Noka
Edi Paloka
Albana Vokshi
Elda Hoti
Ervin Salianji
Bledion Nallbati
Asllan Dogjani
Lefter Gështenja
Isuf Çelaj
Luan Baçi
Xhelal Mziu
