Një 49-vjeçar është arrestuar nga Policia e Kavajës, pasi ditën e djeshme ka grabitur tre biznese, si dhe ka tentuar të grabitë dhe një të katërt. Autoritetet raportojnë se në pranga është vënë shtetasi Xhevahir Xhevogli, banues në Kavajë, i dënuar më parë për të njëjtin krim.
“Dje, 49-vjeçari, në lagjen nr. 2, dyshohet se ka vjedhur shuma parash dhe sende, në 3 biznese, si dhe ka tentuar të vjedhë, në një biznes tjetër.” – thuhet në njoftimin e Policisë.
Blutë e Kavajës bëjnë me dije se vijon puna për zbardhjen e vjedhjeve të tjera që mund të ketë kryer Xhevahir Xhevogli. Materialet procedurale i kaluan Prokurorisë së Durrësit për veprime të mëtejshme, për veprën penale “Vjedhja”, kryer më shumë se një herë.
