Emërohet prefekti i ri i Qarkut të Kukësit.
Mjeku radiolog Agron Geca do të zëvendësojë në këtë detyrë Granit Gjanën që javën e kaluar u pezullua nga SPAK për shkelje të barazisë në tendera.
I pranishëm gjatë prezantimit të Agron Gecës ishte edhe deputeti Pandeli Majko.
Brenda këtij viti në prefekturën e Kukësit janë emëruar 3 titullarë Albert Halilaj, aktualisht kryetar bashkie i Kukësit, Granit Gjana dhe i emëruari aktual Agron Geca.
SPAK njoftoi më 6 dhjetor se ka kryer hetime paraprake në kuadër të procedimit penal nr.133 të vitit 2023, dhe nga provat e grumbulluara deri në këtë fazë të hetimit është krijuar dyshimi i arsyeshëm se Granit Gjana, në cilësinë e zv/kryetarit, por me kompetencat e deleguara si titullar i Autoritetit Kontraktor Bashkia Kukës, ka konsumuar elementë të veprës penale “Shkelja e barazisë së pjesëmarrësve në tendera apo ankande publike”.
