Partizani rigjen Mbanë. Pas më shumë se tre muajsh me probleme të muskujve të barkut, sulmuesi nigerian është kthyer dje me gol.
Kjo rrjetë mund të jetë një pikë e një fillimi të ri për të. Ky është goli i parë për Mbanë në kampionat në këtë sezon, teksa rrjeta e fundit datonte në verë në transfertën e Andorrës ndaj Atletik Eskaldes. Sakaq, me rikthimet në mbrojtje ndryshon edhe hierarkia në 11- she. Dje në stol ishin lënë Sembene dhe Murataj.
Në vend të senegalezit ishte preferuar Janjeva, teksa zëvendëskapiteni nuk u preferua as nga stoli, duke mos luajtur asnjë minutë. Me rikthimet në mbrojtje dhe konsolidimin e treshes së mesfushës, Murataj e sheh veten jashtë 11-shes si rrallëherë.
