Teksa sot pritet të mbahet seanca e radhës për Fredi Belerin, OMONIA ka njoftuar mbajtjen e një proteste para SPAK.
Përmes një mesazhi në rrjetet sociale, OMONIA iu bën thirrje qytetarëve që të marrin pjesë në protestë, që do të mbahet në orën 14:00, kohë kur është përcaktuar të mbahet edhe seanca gjyqësore.
“Himara më 14 maj zgjodhi kryetarin e Bashkisë. Çdo vendim ndryshe nga ai që do populli, është i papranueshëm. Koha që tallja të marrë fund”, thuhet në postimin e OMONIA-s.
Edhe mediat greke i bëjnë jehonë seancës së sotme. Kathimerini raporton se çështje Beleri ka tensionuar marrëdhëniet mes Shqipërisë dhe Greqisë.
