Policia e Beratit ka parandaluar përshkallëzimin e një konflikti mes dy personave, që mund të sillte pasoja për jetën.
Autoritetet raportojnë se në lagjen “Çlirimi”, shtetasi Armando Fetahu ka kanosur me sëpatë 39-vjeçarin me inicialet A. P., për shkak të një konflikti për motive të dobëta, ndërmjet tyre.
Uniformat blu kanë shkuar në vendin e ngjarjes, kanë parandaluar përshkallëzimin e konfliktit dhe kanë vënë në pranga 36-vjeçarin Armando Fetahu. Sëpata është sekuestruar në cilësinë e provës materiale.
Materialet procedurale i kaluan Prokurorisë së Beratit për veprime të mëtejshme.
