Javier Hernandez ka lënë kujtime të bukura te Manchester United.
Aftësitë e tij e bënë atë të dashur për tifozët e Old Trafford pasi shënoi 59 gola dhe dha 20 asiste në 157 ndeshje për Djajtë e Kuq.
Sulmuesi meksikan fitoi dy Premier League gjatë kohës së tij tek United përpara se të largohej për t’iu bashkuar skuadrës së Bundesligas, Bayer Leverkusen.
Sulmuesi aktualisht është duke luajtur për LA Galaxy në MLS, por kontrata e tij skadon në janar dhe ai do të largohet nga klubi.
Dhe ndërsa është 35 vjeç dhe nuk i ka varur akoma këpucët në gozhdë, duket se e ka gjetur se me çfarë mund të merret pasi të tërhiqet nga futbolli.
Nëse ai do t’i bashkohet një klubi tjetër mbetet për t’u parë, por ai thjesht mund të zgjedhë të mbështetet në karrierën e tij të re – të qenit një “pro gamer”, profesionist i video-lojërave.
Hernandez, i njohur shpesh si Chicharito, ka shfrytëzuar 14.3 milionë ndjekësit e tij në rrjetet sociale për të krijuar një audiencë për të duke luajtur video-lojëra në Twitch – me lojën e tij kryesore që është Call of Duty.
Ai mund të kalojë nga gjuajtjet në portë në një snajper me kohë të plotë.
Hernandez sapo ka nënshkruar kontratë me kompaninë e lojërave Complexity Stars, e cila ka një numër sportistësh të tjerë të nënshkruar në Amerikë.
Lista përfshin yllin e NBA-së, JR Smith, lojtarin e NFL-së, Leonard Fournette dhe ish-kampionin e UFC-së, Max Holloway.
