Dalin sot para gjykatës belge, dy autorët e dyshuar të vrasjës së eletricistit shqiptar Festim Kalaj, 40 vjeç, 4 vite më parë në Bruksel.
Bëhet fjalë për dy shqiptarët, Erjon Hotaj dhe Armando Murati të cilët mohojnë akuzat. Ngjarja e rëndë ndodhi në maj të vitit 2019, ku trupi i Kalajt u gjet u pajetë nën një urë në zonën e Flanders Lindore nga një kalimtar i rastit, i cili pa këmbët e viktimës jashtë “pakos” më të cilën ishte mbështjellë trupi.
Hetimet zbuluan se Kalaj u qëllua me 6 plumba, raportojnë mediat e huaja.
Festim Kalajt kishte emigruar në Belgjikë në vitin 2012 për të punuar si elektricist. Ai mësohet se ka qëndruar për disa kohë në Sint-Niklaas, bashkë më familjen tij, bashkëshorten dhe dy fëmijët adoleshentë, një vajzë dhe një djalë. Pasi kompania më të cilën ai punonte kishte falimentuar, dhe ai kishte hasur vështirësi të gjente punë të re, bashkë me familjen Festim Kalaj është kthyer në Shqipëri. Por sipas bashkëshortes së tij, Kalaj ka udhëtuar sërish drejt Belgjikës më 7 maj 2019, pasi i ishte ofruar një punë si elektricist.
