Një 27-vjeçar është arrestuar ditën e sotme në Kukës, pasi ka thyer masën e sigurisë “arrest në shtëpi”.
Në pranga ka rënë shtetasi me iniciale, B.D, banues në fshatin Malçenë.
“Ky shtetas kishte thyer masën e sigurisë në “Arrest në shtëpi”, të caktuar nga Gjykata e Shkallës së Parë e Juridiksionit të Përgjithshëm Kukës, për veprat penale “Drejtimi i automjetit në mënyrë të parregullt” dhe “Mosbindja ndaj urdhrit të punonjësit të policisë së rendit publik”,- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
