Megjithëse në Shqipëri pensionet janë qesharake aq sa nuk mjaftojnë për bukë dhe ilaçe, por kjo nuk e ndal kryeministrin Edi Rama që të tallet me të moshuarit në vendin tonë.
Megjithëse qeveris prej më shumë se 10 vitesh, Rama edhe një herë na tregoi se nuk ka në plan për të rritur pensionet.
Nga kongresi i PS, Rama tha se pensionistëve do t’i japë kartë të personalizuar dhe të moshuarit pensionin e tyre do ta marrin në bankë.
“Akoma sot në 2023 pensionet merren në zarf dhe pastaj dalin grupe kriminale brenda postës siç ishte një grup diku lart. Grupe të organizuar brenda postës që merrnin pjesën e tyre. Zarfet që shkojnë me korrierë paguhej korrierë pafund me një sistem që kemi pasur një aleat të vogël. Kishim dikur një aleat të vogël që tha se do bëhej më i madh se PS dhe këta korrierët e postës do t’i përdorete për partinë e vet. Në 2024 ne pensionistëve do tu japim kartën e tyre dhe do e fillojmë tani projektin pilot dhe ne pensionistëve do u japim kartën e tyre dhe pensioni i tyre do të jetë në bankë dhe kudo ku shkojnë do të përdorin kartën e tyre. Do na mërziten bankat,” tha Rama.
