Është shtyrë seanca gjyqësore për katër të miturit të cilët akuzohen për vrasjen e bashkëmoshatarit të tyre, Fatjon Bici, ngjarje e ndodhur më 16 maj të këtij viti në Gramsh.
Seanca është shtyrë pasi i mituri, Marko Liçi, i cili mbeti i plagosur në këtë ngjarje nuk ka marrë njoftimin për t’u paraqitur bashkë me përfaqësuesin e tij ligjor.
Seanca e radhës është caktuar më datë 14 dhjetor.
Kujtojmë se Fatjon Bici, u vra pranë shkollës “Asllan Shahini”. Ngjarja e rëndë ndodhi pas një sherri mes të rinjve që ka pasur si zanafillë komentet në rrjetet sociale. Ka qenë Marko Liçi, kushëriri i Bicit ai që ishte konfliktuar me tre persona të tjerë dhe kishtë lënë një takim sqarues. Kur të rinjtë nisën të konfliktoheshin, mes tyre ndërhyri dhe Bici, por një prej tyre e qëlloi me thikë atë dhe kushëririn e tij. Bici u dërgua në spital, por ndërroi jetë. Liçi mbeti gjithashtu i plagosur dhe ndodhet ende në spital, ndërsa tre të tjerët janë shoqëruar për veprime të mëtejshme proceduriale.
