Në seancën e sotme parlamentare pritet të miratohet nen për nen projekligji për buxhetin 2024.
Nga ana tjetër opozita ka paralajmëruar se do të vijojë me zbatimin e aksionit të saj në Kuvend, me qëllim prishjen e seancës.
Në seancë do të mungojnë 5 deputetë të opozitës, ish-kryeministri, Sali Berisha, kreu i Grupit të opozitës, Gazment Bardhi, Flamur Noka, Elda Hoti, Albana Vokshi dhe Edi Paloka. Përjashtimi vjen pas seancës së të hënës së 4 Dhjetorit, ku opozita bllokoi zhvillimin e punimeve në Kuvend, përmes kaosit të krijuar me flakadanë dhe zjarr.
Seancat e kaluara parlamentare nuk kanë zgjatur shumë minuta dhe janë shoqëruar me tensione mes deputetëve të opozitës dhe mazhorancës.
Projektbuxheti u miratua në parim në vetëm katër minuta, mes kaosit të krijuar në Kuvend, ku u hodhën tymuese shumëngjyrëse dhe karriget u kthyen përmbys në mes të sallës.
