Mbyllet në barazim 1-1 takimi i prapambetur i javës së parë, mes Partizanit dhe Teutës.
Nga një gol në secilën pjesë mjaftoi për të vulosur supersfidën në ” Niko Dovana”, ku të parët që shënuan ishin durrsakët falë aksionit vetjak, të “fantazisit” kuksian, Ergys Peposhi.
Për të vendosur baraspeshën, mendoi talenti i sulmit, të “të kuqve”, Albers Keko, teksa në minutën e 75’-të pasi merr një pasim të shkurtër dërgon topin në rrjetën e boshatisur të portierit Dema.
Pas këtij rezultati, Partizani vijon të mbetet në vendin e 2-të kësaj here me 30 pikë, ndërsa në krahun tjetër, Teuta mbetet në vendin e fundit të renditjes, me 14 pikë. Kjo ishte ndeshja e 7-të radhazi që Teuta dështon të gjejë fitoren. Edhe Partizani ka një rekord negativ teksa në 4 sfidat e fundit njeh vetëm barazime.
Kujtojmë që sfida e sotme Partizani-Teuta teorikisht duhej të luhej në kryeqytet në “Arenën e Demave”, por skuadrat kanë arritur marrëveshje për ndërrimin e kalendarit.
Takimi i javës së 10-të mes dy skuadrave u luajt në Tiranë për shkak të punimeve në “Niko Dovana” dhe tashmë kjo sfidë e prapambetur, që i takon javës së pare të kampionatit u luajt në Durrës.
