Një shqiptar i dënuar me 12 vite burg për përfshirje në trafikun ndërkombëtar të drogës është arratisur nga një qendër rehabilitimi ku ndodhej në Itali. Bëhet fjalë për shtetasin Dorian Petoku, i cilësuar si anëtar i grupit kriminal “Ponte Milvio”
Mediat përtej Adriatikut raportojnë se Petoku është arratisur gjatë javës së kaluar nga qendra e rehabilitimin në Nola, Napoli.
Petoku u ekstradua nga Shqipëria me kërkesë të palës italiane. Por pasi mbërriti në Itali, ai nuk kaloi shumë kohë në burg, pasi mjekët rekomanduan se duhet të strehohej në një qendër rehabilitimi për të droguarit, pasi kishte varësi ndaj substancave narkotike.
Ai u arrestua gjatë operacioni antidrogë të antimafias italiane “Brasile low cost”, ekzekutuar në maj të 2019 e që çoi shkatërrimin e një organizate kriminale mafioze e cila transportonte kokainë nga Amerika e Jugut drejt Italisë.
Operacioni është kryer në bashkëpunim me shërbimet amerikane D.E.A. Në shtator të 2021 Dorian Petoku u ekstradua nga Shqipëria në Itali.
Me akuzën si anëtar i grupit kriminal “Ponte Milvio”, me veprim në Romë ai u dënua me 12 vite burg për hetimet e operacionit “Grande Raçordo Anulare”.
Grupi kriminal drejtohej nga kreu i tifozerisë së Lazios, Fabrizio Piscitelli, i ekzekutuar në gusht të 2019 në në Romë. Por ndaj Dorian Petokut rëndojnë akuzat e Prokurorisë së Romës për trafikun e 7 ton kokainë në hetimet “Brasile low cost”.
Dorian Petoku, i lindur në Lezhë i datëlindjes 1988, është kushëriri i Arben Zogut, një nga emrat më të njohur të narkotrafikut roman e krimit të organizuar në kryeqytetin italian.
