Politologu Ilir Kalemaj tha në studion e MCN Live se buxheti u miratua në mënyrë të paprecedentë në pak minuta dhe në një kohë kur kryeministri po trumbeton që është më i madhi në histori, po tregohen gjysmë të vërteta.
Kalemaj theksoi se ka shumë paqartësi në lidhje me buxhetin dhe do duhet të kishte debat që të zbulohej sa ky buxhet do i përmirësojë jetën qytetarëve.
“Problemi është jo çfarë përfiton njëri apo tjetri politikisht, por çfarë kostosh ka kjo për qytetarët? Në mënyrë të paprecedent brenda pak minutash u miratua në parim buxheti, dhe miratimi nen për shkon shkon në të njëjtat linja. Kjo është rëndësishme, ajo që qytetarët janë ndeshur në këto momente është trumbetimi dhe fushata që po bën në popull kryeministri duke thënë që kemi buxhetin më të madh në histori me 7 miliardë euro. Kjo është vetëm gjysma e të vërtetës. Ajo që është pjesa tjetër dhe debati në parlament do e zbardhte është sa ky buxhet është reflektuar në mirëqenien e qytetarëve. Sa ky buxhet zbut hendekun socio-ekonomik, sa përmirëson jetën e pensionisteve? Këto janë pikëpyetjet që qytetarët duan të dëgjojnë. Ka shumë paqartësi në lidhje me këtë buxhet. Do kishte nevojë për shumë debat dhe kjo kaloi pa debat. Qytetarëve gjëja që i intereson më shumë nga ky parlament është buxheti. Kemi të bëjmë me një inflacion që në çmimet e shportës është ende 2 shifror”, u shpreh ai.
Më tej, Kalemaj tha se Rama do një opozitë fasadë.
“Kjo është kleptokraci. Pra unë vjedh me ligj, bëj ligje që janë në favor të klientëve të mi dhe nuk dua zëra kundër që mund të denoncojnë aspekte të ligjeve që prekin interesin publik. Për të mos pasur zëra kundër përdoren forma të ndryshme, një herë nxirret nga parlamenti opozita dhe futen ata që votojnë pro qeverisë. Kësaj herë Rama kërkon ta zgjedhë vetë opozitën, s’e nuk e le njëri të mos ketë fare opozitë se pastaj kalojnë në sistem totalitar. Do një opozitë fasadë për t’i thënë ndërkombëtarëve që jemi duke bashkëpunuar. Nëse do të bëhet dhe kjo me 60 ditë ai përjashton krejtësisht opozitën dhe në këtë mënyrë mundë të kalojë çdo ligj që do, të çdo klienti që do. Në këtë mënyrë ka për tu rritur polarizimin, ka për tu rritur varfëria, kanë për të ikur më shumë njerëz”, tha më tej.
