Spektakël dhe emocione në super duelin mes Manchester United dhe Chelsea. Skuadra e Ten Hag merr një sukses të rëndësishëm 2-1 ndaj Bluve të Londrës, në një duel që rezultoi të ishte një ndër më të bukurit e sezonit.
Djajtë e Kuq e nisën më mirë ndeshjen, me Bruno Fernandes që humbi një 11-metërsh në minutën e 9-të. Gjithsesi 10 minuta më pas do të ishte Scott McTominay që do ta dërgonte topin në rrjetë.
Chelsea reagoi në fundin e pjesës së parë me Palmer që befasoi portierin Onana me një goditje të lehtë. United kërkoi me ngul golin në pjesën e dytë që do të vinte sërish nga McTominay, këtë herë me një goditje me kokë.
Broja u aktivizua në 15 minutat e fundit, por për fatin e tij të keq një goditje me kokë do të përplasej në shtyllë.
Në ndeshjet e tjera, Man.City i Pep Guardiolës u mposht kundër Aston Vilës me rezultatin 1-0, teksa kjo ishte ndeshje e katër radhazi pa sukses në kampionat për kampionët në fuqi të Premier Ligës, që e shikojnë vetëm –6 pikë nga kryesuesit e Arsenalit.
Goli i Beili në minutën e 74-t, vendosi këtë duel, teksa falë këtij triumfi, Aston Vila parakaloi në renditjenCity-n duke u ngjitur në kuotën e 32 pikëve në 15 ndeshje.
Rezultatet e ndeshjeve të mbrëmjes në Premier League:
