Një 33-vjeçar është arrestuar këtë të mërkurë në Vlorë. Në pranga ka rënë shtetasi Brikel Alikaj, 33 vjeç. Ai ishte shpallur në kërkim për kundërshtim të forcave të policisë, dhe ndaj tij gjykata ka caktuar masën “arrest me burg”.
“Si rezultat i kontrolleve të mbështetura te informacionet e siguruara nga inteligjenca policore dhe të kryera në vijim të operacionit policor kombëtar të koduar “Sundimi i ligjit”, shërbimet e Komisariatit të Policisë Vlorë kapën dhe ndaluan shtetasin e shpallur në kërkim:
B.A., 33 vjeç, banues në fshatin Tragjas, Vlorë.
Gjykata e Apelit e Juridiksionit të Përgjithshëm Tiranë i ka caktuar këtij shtetasi masën e sigurisë “Arrest në burg”, për veprën penale “Kundërshtim i punonjësve të policisë”, pasi në muajin qershor, në ambientet e spitalit të Vlorës, ka kundërshtuar me forcë punonjësit e Policisë”,- njofton policia.
Materialet procedurale i kaluan Prokurorisë, për veprime të mëtejshme
