Lacio triumfoi mbrëmjen e sotme ndaj Xhenoas me rezultatin 1-0 në duelin e vlefshëm për raundin e 1/8-ave të Kupës së Italisë, duke u kualifikuar për më tej.
Skuadra e trajnerit Mauricio Sarri, ku u aktivizua titular edhe mbrojtësi i Kombëtares, Elseid Hysaj, iu fal golit të mesfushorit francez Guendouzi në minutën e 5-të.
Ky ishte suksesi i tretë radhazi për të kaltrit nga kryeqyetit, të cilët 3 ndeshjet e fundit i kanë zhvilluar në shtëpi. Pas fitoreve në Champions ndaj Sëlltik dhe asaj në kampionat ndaj Kaljarit, Lacio arriti të regjistronte një tjetër rezultat pozitiv.
Për sa i përket Hysajt, ai u aktivizua gjatë gjithë takimit si mbrojtës i krahut të djathtë, duke bërë një paraqitje mjaft të mirë.
https://twitter.com/i/status/1732130019227365625
