Ka nisur seanca gjyqësore ndaj Fredi Belerit. Bëhet me dije se në ambientet përballë Prokurorisë së Posaçme janë paraqitur mbështetës të shumtë të kryebashkiakut të zgjedhur të Himarës.
Raportohet se në procesin ndaj Belerit kanë mbërritur kreu i PBDNJ Vangjel Dule si edhe ambasadorja e Greqisë në Shqipëri Konstantina Kamitsi.
Gjithashtu në GJKKO janë vendosur dhe tre media greke të cilat po ndjekin nga afër procesin.
Beleri është marrë i pandehur nga SPAK për korrupsion në zgjedhje. Megjithëse ai ka kërkuar leje të posaçme për t’u betuar në Këshillin Bashkiak, gjykata ia ka refuzuar disa herë, madje dhe Gjykata e Lartë, e cila e ka rikthyer kërkesën në GJKKO.
Ai së bashku me bashkëpunëtorin e fushatës elektorale Pandeli Kokaveshi akuzohen për veprën penale të shit-blerjes së votave.
