Një 19-vjeçar është arrestuar nga policia në Vaun e Dejës pasi nuk i është bindur policisë për të ndaluar. Sipas policisë, shtetasi Enes Jakupi qarkullonte me automjet, me municion luftarak me vete.
Gjithashtu uniformat blu bëjnë me dije se janë sekuestruar 2 krehra me fishekë luftarakë dhe automjeti me të cilin lëvizte i arrestuari.
“Qarkullonte me automjet, me municion luftarak me vete, vihet në pranga 19-vjeçari që tentoi t’iu largohej shërbimeve të Policisë. Si rezultat i administrimit të menjëhershëm të inteligjencës policore, se një shtetas mbante municion luftarak, pa leje, shërbimet e Komisariatit të Policisë Vau i Dejës kanë organizuar punën në kuadër të operacionit “Sundimi i ligjit”, dhe kanë ndërhyrë menjëherë për arrestimin e këtij shtetasi.
Në unazën e qytetit të Vaut të Dejës, shërbimet e Policisë kanë lokalizuar automjetin me drejtues shtetasin E. J., i cili ka tentuar t’iu largohej shërbimeve, por është kapur menjëhere nga to. Gjatë kontrollit në çantën e shtetasin E. J., në brendësi të automjetit, Policia gjeti 2 krehra me fishekë luftarak, që posedoheshin pa leje.
Në përfundim të veprimeve procedurale për rastin, u arrestua në flagrancë shtetasi E. J., 19 vjeç, banues në fshatin Kuç. Gjithashtu, u sekuestruan në cilësinë e provës materiale, municioni luftarak dhe automjeti tip “Benz” që drejtonte ky shtetas“, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme
