Një tjetër aksident me pasojë vdekjen ka ndodhur pasditen e kësaj të shtune në aksin rrugor Belsh-Grekan.
Një 17 vjeçar ka përplasur me motor një të moshuar e cila ishte duke kaluar rrugën. 80 vjeçarja është dërguar në spital për ndihmë mjekësore por nuk ka mundur të mbijetojë.
“Në aksin rrugor “Belsh-Grekan”, motomjeti me drejtues shtetasin B. A., 17 vjeç ka përplasur shtetasen R. L., rreth 80 vjeçe (këmbësore).
Si pasojë e dëmtimeve, shtetasja R. L., ka ndërruar jetë në spital.
Gjithashtu, është dëmtuar 17-vjeçari i cili ndodhet në kujdesin e mjekëve, jashtë rrezikut për jetën.
Me 17-vjeçarin po kryhen veprimet e mëtejshme procedurale”,- njofton Policia.
Grupi hetimor po kryen hetime për sqarimin e rrethanave të aksidentit.
