Vrasja e Liridona Murselit, nga bashkëshorti i saj Naim Murseli, mbrëmjen e së mërkurës vijon të jetë kryefjala e mediave.
Kanë qënë të shumta reagimet lidhur me ngjarjen, ndërsa së fundmi eksperti i sigurisë, Drizan Shala, ka zbuluar detaje të reja mbi krimin.
Shala zbulon se pasi ndodhi vrasja e pretenduar si grabitje, policia në bashkërendim me prokurorinë e Kosovës vendosën kamera të fshehta në zonën e krimit, ku u regjistruan takime mes bashkëshortit dhe personit të cilin kishte kontraktuar për të kryer vrasjen.
Eksperti: “Kjo ngjarje ka tronditur opinionin publik në Kosovë. Për sa i përket vrasjes nuk e kemi kontekstin e plotë dhe motivet pse ka ndodhur dhe arsyet pse e kanë shtyrë të dyshuarin të organizojë një vrasje të tillë. Në aspektin organizativ ka qenë shumë e mirë, por në terren dhe zbatueshmëri ka çaluar për ta përfunduar planin e tij.
Ajo çka mund të thuhet se pasi ndodhi vrasja e paraqitur si grabitje, është se Policia e Kosovës ka ndërmarrë veprimet operative në bashkëpunim me prokurorin dhe gjyqtaren e procedurës paraprake duke vendosur kamera të fshehta në hapësirën ku ka ndodhur vrasja makabër. Nga kamerat e fshehura është bërë identifikimi dhe takimi që është bërë mes vrasësit dhe organizatorit që është bashkëshorti i të ndjerës.
Pas deklarimit që është bërë në polici nga bashkëshorti se ka ndodhur një grabitje, prokuroria ka vendosur kamera të fshehta në lokalitetin ku ndodhi ekzekutimi dhe nga videot është konstatuar lidhja mes organizatorit dhe ekzekutuesit.
