Një ngjarje e rëndë është regjistruar këtë të premte në fshatin German të Matit. Mësohet se një 55-vjeçar është gjetur i varur në derën e kasolles të bagëtive.
Burime bëjnë me dije se viktima është shtetasi Artan Duka, babai i tre fëmijë. Mësohet se ai është gjetur pa shenja jete nga komshinjtë, të cilët menjëherë më pas kanë njoftuar Policinë.
Nuk dihet se cili ka qenë shkaku që e ka shtyrë 55-vjeçarin për të ndërmarrë këtë akt ekstrem. Uniformat blu janë nisur drejt vendngjarjes, për zbardhjen e plotë të rastit.
