Prurjet e Lumit Fan dhe Mat po rrezikojnë shembjen totale të Urës së Zogut e cila prej shumë vitesh nuk ka patur asnjë ndërhyrje nga Ministria e Kulturës.
Prurjet e shumta kanë gërryer edhe më tepër këmbët e kësaj ure, monument kulture, ndërsa struktura e saj është dëmtuar thuajse në të gjithë perimetrin e saj.
Autoritetet kanë paralajmëruar ndërhyrje për rikonstruksionin e Urës së Zogut, por deri më tani kanë mbetur vetëm fjalë boshe.
Ura e Milotit është një nga më të veçantat për strukturën arkitekturore që mbart. Stili i harqeve i japin asaj një vlerë të lartë muzeore.
