Një 30-vjeçar shqiptar është plagosur me thikë nga një 55-vjeçar italian, i cili është vënë nën hetim në gjendje të lirë nga karabinierët e Folignos në Itali .
Sipas autoriteteve policore italiane, shqiptari dhe 55-vjeçari ishin takuar në një lokal në zonë, rrugës për në shtëpi dhe kanë nisur të debatojnë dhe të ofendojnë njëri-tjetrin. Më pas, raportohet se italiani e ka goditur me grusht në fytyrë shqiptarin duke e bërë atë të bjerë përtokë.
Më tej, pasi kishte hyrë në shtëpi, ai ka marrë dhe një thikë kuzhine dhe ka tentuar të godasë shqiparit. 30-vjeçari ende në tokë nga grushti që kishte pësuar, ka arritur të bllokojë goditjen me dorën e majtë, duke i shkaktuar prerjen, më pas është ngritur dhe është dërguar në spital nga të afërmit e tij.
Policia italiane e identifikoi autorin dhe nisi hetim ndaj tij për krimin e lëndimit të rëndë personal dhe mosdhënies së ndihmës.
