Një autobuz i cili transportonte nxënës shqiptarë nga Maqedonia e Veriut për të marrë pjesë në Festat Kombëtare të 28 & 29 Nëntorit në Tiranë, është përfshirë në një aksident në dalje të qytetit të Librazhdit.
Raportohet se një makinë është përplasur me autobuzin në vendin e quajtur “Kthesat e Murrashit”.
Fatmirësisht nuk ka të lënduar asnjë nxënës.
Dyshohet se moti me reshje të dendura dhe mjegull mund të ketë qenë një ndër shkaqet që ka favorizuar aksidentin.
Në vendngjarje ka shkuar policia dhe autoambulanca.
