Një plagosje me thikë është regjistruar në qytetin e Durrësit, pas një sherri mes dy personave.
Autoritet policore raportojnë se shtetasi Ermal Çitizi, 54 vjeç, ka plagosur me mjet prerës (thikë), shtetasin G. D., 60 vjeç, teksa krimi ka ndodhur gjatë një konflikti për motive të dobëta mes tyre në lagjen nr. 14 të qytetit bregdetar.
I plagosuri është transportuar me urgjencë në spital dhe mësohet se ndodhet në gjendje të rëndë shëndetësore. Policia ka arrestuar pas krimit, autorin Ermal Çitizi, i cili është shoqëruar në komisariat për veprime të mëtejshme.
Policia vijon punën për dokumentimin e plotë të kësaj ngjarjeje.
