Policia ka arrestuar një punonjëse të DRSHTRR Elbasan, e cila ishte shpallur në kërkim ditën e djeshme në kuadër të operacionit të koduar “Fraud”.
Në pranga është vënë juristja Iva Bodurri, 30 vjeçe, nga Elbasani, me detyrë juriste në DRSHTRR Elbasan. Ajo akuzohet për veprat penale “Shpërdorimi i detyrës” dhe “Falsifikimi i dokumenteve”, të kryera në bashkëpunim.
“Nga hetimet dyshohet se 30-vjeçarja ka shpërdoruar detyrën, duke falsifikuar kontrata për pronësinë mbi 3 automjete të marra me qira, të cilat u shitën në kundërshtim me ligjin, nga shtetasit Th. B. dhe R. L. (Th. B., i arrestuar dje; R. L. punonjës i DPSHTRR Elbasan, ende në kërkim), pasi iu hoqën GPS.” – thuhet në njoftimin e Policisë.
Gjatë operacionit, uniformat blu kanë sekuestruar tre automjetet, ndërkaq njoftojnë se vijon puna për kapjen e shtetasit R. L.
Materialet procedurale i kaluan Prokurorisë së Elbasanit për veprime të mëtejshme.’- njofton policia.
