Një burrë 41-vjeçar i njohur për autoritetet për rastet e dhunës në familje është dorëzuar sot në polici dhe ka rrëfyer se ka vrarë tre vajzat e tij, 4, 10 dhe 11 vjeç, brenda shtëpisë së tyre në Alfortville, në periferi të Parisit.
Prokuroria publike në Creteil konfirmoi vdekjen e “ tre vajzave të vogla, të moshës 4, 10 dhe 11 vjeç ”.
Babai shkoi pasditen e sotme në stacionin e policisë Dieppe në Normandi dhe deklaroi se kishte vrarë fëmijët e tij. Policia më pas shkoi në shtëpinë e tij në Alfortville dhe gjeti të vdekura tre vajzat.
Nga provat e para të hetimit dy fëmijët janë vrarë me thikë dhe trupat e tyre janë mbuluar me batanije.
Fëmija i tretë ishte në një divan.
Autori i rrëfyer ishte dënuar disa herë në të kaluarën për dhunë ndaj gruas dhe fëmijëve të tij.
Një burim pranë hetimit tha se dy prindërit kishin kujdestarinë e alternuar të fëmijëve të tyre.
41-vjeçari pretendoi se nuk e dinte vendndodhjen e nënës së fëmijëve dhe policia nuk ishte në gjendje ta lokalizonte atë deri në orët e vona të mbrëmjes së sotme.
Prokurori i Kreteig do të mbajë nesër në mesditë një konferencë për shtyp për rastin.
Autoritetet policore regjistruan në vitin 2021 64.300 viktima (një rritje 16% krahasuar me 2020) të dhunës në familje, jomartesore. Në 80% të rasteve viktimat ishin të mitur dhe më shumë se gjysma (59%) ishin gra.
Rreth një muaj më parë, më 29 tetor, një xhandar vrau tre vajzat e tij brenda shtëpisë së tyre në Vemar, afër Parisit.
