Një 35 vjeçar, është arrestuar në Vlorë pasi theu masën e sigurisë ‘Arrest në shtëpi”.
Ndërkohë në pranga kanë rënë gjithashtu edhe një 40 vjeçar i shpallur në kërkim pasi kishte djegur disa materiale ndërtimi, dhe një 39 vjeçar pasi është përfshirë në aksident rrugor me dëme materiale.
“Specialistët për Hetimin e Krimeve në Komisariatin e Policisë Vlorë arrestuan në flagrancë shtetasin J. D., 35 vjeç, banues në Vlorë, pasi është kapur nga shërbimet e Policisë, jashtë banesës duke thyer masë e sigurisë “Arrest në shtëpi”.
Specialistët për Hetimin e Krimeve në Komisariatin e Policisë Sarandë ndaluan shtetasin K. Zh., 40 vjeç, banues në Finiq. 40-vjeçari ishte shpallur në kërkim policor pasi dyshohet se ka djegur disa materiale ndërtimi, në fshatin Cerkovicë, Finiq.
Nga specialistët për Qarkullimin Rrugor në DVP Vlorë u arrestua shtetasi K. T., 39 vjeç, banues në Vlorë, pasi duke drejtuar automjetin në gjëndje të dehur, është përfshirë në një aksident rrugor me deme materiale”,- njofton policia.
Materialet iu referuan Prokurorisë, për veprime të mëtejshme.
