Një 62-vjeçar është arrestuar nga Policia, pasi akuzohet për shitje të lëndëve narkotike.
Në pranga ka rënë shtetasi Maksim Kozmani, pasi u kap duke shitur doza lëndësh narkotike në qytetin e Prrenjasit.
Blutë bëjnë me dije se gjatë kontrollit fizik këtij shtetasi i janë gjetur një sasi lënde të dyshuar narkotike kanabis, të ndarë në doza, gati për shitje.
“Si rezultat, shërbimet e Policisë kanë kapur në flagrancë shtetasin M. K., 62 vjeç, banues në Prrenjas, të cilit gjatë kontrollit fizik i kanë gjetur një sasi lënde të dyshuar narkotike kanabis, të ndarë në doza, gati për shitje.
Gjithashtu, gjatë kontrollit në banesën e këtij shtetasi, kanë gjetur një tjetër sasi lënde narkotike kanabis të ndarë në doza. Lënda narkotike, një shumë parash dhe 3 celularë u sekuestruan në cilësinë e provës materiale”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
