Pas katër ndeshjesh pa fitore, Milan është rikthyer te suksesi pas rezultatit 1-0 në shtëpi ndaj Fiorentinës.
Pjesa e parë ishte mjaft emocionuese, teksa për të ardhur te goli u desh të prisnim minutën e 45-të.
Parisi shkaktoi penallti pas një ndërhyrje ndaj Theo-s, me këtë të fundit që e mori vetë përsipër ekzekutimin e 11-metërshit.
Mbrojtësi u tregua i saktë, me topin që shkoi pas shpinës së portierit, Pietro Terracciano.
Në pjesën e dytë, ekipi vjollcë u vendos në kërkim të golit të barazimit, por hasi mjaft vështirësi, me prapavijën e kuqezinjve që ishte mirë e pozicionuar.
Milan pati rastin e artë për të mbyllur llogaritë një herë e mirë me ndeshjen në të 75-të minutë, fati nuk ishte në anën e skuadrës milanezë.
Në të 83-tën, për Milanin luajti Francesco Camarda, që u bë lojtari më i ri që debuton në Serie A, vetëm 15-vjeç, 8 muaj dhe 5 ditë.
Kamarda ka kaluar kështu qendërmbrojtësin e Bolonjës, Visdom Amei, që ka debutuar në moshën 15 vjeç, 9 muaj dhe 1 ditë në maj 2021.
Moment tepër special ky për 15-vjeçarin e Milanit, i cili në momentin e aktivizimit, ka fituar simpatinë e të gjithë stadiumit, që ka brohoritur emrin e tij.
The entire San Siro ERUPTS as they chant Francesco Camarda upon his debut entrance for Milan.
Incredible ⭐️🔴⚫️ pic.twitter.com/nLxugXJWxf
— Matt Santangelo (@Matt_Santangelo) November 25, 2023
