Laçi është një nga skuadrat që aktualisht pozicionohet në “top 4”-she.
Serxho Ujka është njre prej lojtarëve kryesorë të kurbinasve, i cili këtë sezon mban edhe shiritin e kapitenit.
Për mesfushorin ka oferta nga klube të tjera, ndërsa kontrata me bardhezintjë i përfundonte në fund të këtij sezonit.
Drejtuesit nuk kanë dashur të humbasin një element kyç në merkaton e ardhshme dhe kanë zgjatur bashkëpunimin mes tyre.
25-vjeçari ka rinovuar kontratën dhe do të vazhdojë të mbajë veshur fanelën e Laçit deri në qershor të vitit 2025.
“KF Laçi njofton se ka rinovuar kontratën me kapitenin e skuadrës, mesfushorin Serxho Ujka. Marrëveshja e re do të jetë e vlefshme deri në vitin 2025”, ka shkruar Laçi.
View this post on Instagram
