Një aksident është raportuar se ka ndodhur në në afërsi të Savrës, ku dy mjete tip fuoristrada në tentativë parakalimi janë përplasur me njëra tjetrën.
Si pasojë një nga automjetet ka përfunduar në kanalin në anë të autostradës, rreth tre metra i thellë, por fatmirësisht nuk ka pasur prezencë uji.
Në këtë mjet udhëtonte shtetasi F.M me tre fëmijët e tij të mitur nga 5 deri 8 vjeç që dhe vetëm drejtuesi i mjetit ka marrë lëndime të lehta në kokë.
Një aksident ka ndodhur ditën e sotme në autostradën Lushnjë-Fier. Dy automjete janë përplasur me njëra-tjetrën e si pasojë njëra prej tyre ka përfunduar në një kanal anash rrugës.
Në makinën që përfundoi në kanal mësohet se ndodhej shtetasi F.M bashkë me tre fëmijët e tij të mitur por që fatmirësisht nuk kanë pësuar dëmtime serioze.
Ndërkohë mësohet se në mjetin tjetër udhëtonte një 30-vjeçar me bashkëshorten, nënën dhe motrën e vet, fatmirësisht edhe këta pa dëmtime serioze.
Policia në vendngjarje po punon për zbardhjen e shkaqeve të aksidentit.
