Janë publikuar ditën e sotme pamjet e rënda nga sherri me 3 të plagosur në Pukë. Ngjarja ndodhi një ditë më parë në fshatin Gjegjan, ku pas konfliktit mes dy familjeve kanë mbetur të plagosur shtetasit, Florin Zefi, Bardhe Zefi dhe Kol Marku.
Siç shihet nga pamjet, anëtarët e dy familjeve përplasen me njëri tjetrin, ndërsa në duar mbajnë kosore dhe sëpatë, siç mund të shihet dhe në videon e publikuar nga BW.
Ndërkohë mëngjesin e sotëm ka pasur sërish incidente, teksa mësohet se i është thyer xhami i makinës që drejtonte Hil Zefi. Ky i fundit ka bërë denoncim në polici duke thënë se e kanë gjuajtur me gurë pjesëtarë të familjes Marku.
Policia ka bërë me dije se janë shoqëruar në komisariat Kol Marku dhe Florin Zefi, ndërkohë që familja Zefi ka reaguar duke thënë se nëse shteti nuk ndërhyn, konflikti do te përshkallëzohet, pasi ata ndjehen të kërcënuar.
