Ambasadori gjerman në Tiranë, Karl Bergner shorehet se po i ndjek me shqetësim zhvillimet e fundit në Kuvend, në lidhje me tensionet e shkaktuar nga opozita, pasi mazhoranca i refuzon kërkesat për ngritjen e komisioneve hetimore dhe ndryshimin e përbërjes së anëtarëve të komisionit të reformës zgjedhore.
Sipas ambasadorit gjerman, propozimi dhe diskutimi i propozime të ndryshme politike të zhvillohet në paqe dhe të drejtohet nga rregullat, që i ka përcaktuar vetë Kuvendi. Kreu i diplomacisë gjermanë në Shqipëri i bën thirrje mazhorancës dhe opozitës që të bashkëpunojnë, me qëllim që të garantojnë, që parlamenti të plotësojë rolin e tij thelbësor kushtetues: kontrollin e ekzekutivit dhe ligjvënien në interes të qytetarëve.
“Po ndjek me shqetësim zhvillimet e fundit në Kuvendin e Shqipërisë.
Qytetarët/et e Shqipërisë presin me të drejtë nga parlamenti i tyre që të jetë një forum, ku anëtarët e të cilit të mund të prezantojnë dhe diskutojnë hapur propozime të ndryshme politike. Ky shkëmbim duhet të zhvillohet në paqe dhe të drejtohet nga rregullat, që i ka përcaktuar vetë parlamenti.
Ndaj u bëj thirrje anëtarëve të shumicës dhe opozitës në Kuvend që të bashkëpunojnë, me qëllim që të garantojnë, që parlamenti të plotësojë rolin e tij thelbësor kushtetues: kontrollin e ekzekutivit dhe ligjvënien në interes të qytetarëve/eve të përfaqësuar përmes deputetëve.” – shprehet Karl Bergner.
