Një shtetas shqiptar është arrestuar në Itali, pasi është kapur me kokainë në banesë.
Në pranga ka rënë një i ri rreth 22-vjeç, pasi gjatë kontrolit në banesën e tij në lagjen Valmaura të Triestes, janë gjetur dhe sekuestruar mbi 200 gramë kokainë dhe 40 mijë euro cash.
Mediat e huaja shkruajnë se një pjesë e parave janë gjetur brenda në një qese, ndërsa në pjesë të tjera të banesës u gjetën një copë kokainë rreth 212 gramë, 8 paketime të vogla të së njëjtës lëndë, 4 tableta ekstazi, 2 peshore elektronike dhe celular.
Gjatë kontrollit në makinën e të riut u gjetën edhe 200 euro të tjera cash. Më pas shqiptari u arrestua për posedim me qëllim shpërndarje droge.
