Në orët e parë të mëngjesit të kësaj të shtune qyteti i Kamzës është tronditur nga një shpërthim me lëndë plasëse.
Disa orë pas ngjarjes në media publikohen pamjet e momentit kur i riu vendos tritolin në një lokal në rrugën “Donald Trump” në Kamzë.
Siç mund t’i shihni pamjet, autori me kapele del nga makina hedh lëndën plasëse pranë lokalit, ndërsa dikush tjetër e pret në makinë.
Pasi e vendos lëndën plasëse, autori kthehet sërish në makinë dhe largohen me shpejtësi.
MË POSHTË SHIKONI VIDEO-n:
- Kush ishte objektivi?
Lënda shpërthyese ishte vendosur në ambientet e jashtëm të një lokali , i cili ishte marrë me qira nga Oltjon Muçaj.
Sipas hetimeve paraprake, kanë qenë dy persona të cilët janë afruar rreth orës 4 të mëngjesit pranë këtij biznesi dhe kane hedhur një sasi lënde eksplozive.
Mendohet se sasia e eksplozivit te hedhur mendohet te jete 50-100 gramë.
- Njoftimi i policisë:
“Më datë 18.11.2023, rreth orës 04:25, në rrugën “Donald Trump”, në ambientet e jashtme të një lokali të marrë me qira nga shtetasi O. M., 24 vjeç, dyshohet se ka shpërthyer lëndë plasëse. Si pasojë është dëmtuar fasada e jashtme e lokalit dhe janë thyer disa xhama. Nuk ka persona të dëmtuar. Grupi hetimor po punon për sqarimin e rrethanave të ngjarjes, identifikimin dhe kapjen e autorit/eve.”- njofton policia.
