Shqipëria do të ndeshet në transfertë kundër Moldavisë ditën e premte në orën 18:00, dhe përpara kësaj sfide ka qenë Sylvinho dhe Gjimshiti të cilët kanë qenë përpara mediave për të dhënë përgjigjet e tyre para gazetarëve.
Pasi foli fillimisht kapiteni kuqezi, fjalën më pas e mori tekniku brazilian Sylvinho, i cili theksoi bindshëm se nesër në fushë do të luajnë vetëm për fitore.
Trajneri brazilian vlerësoi kundërshtarin, por u shpreh besimplotë për arritjen e një fitorje.
Sylvinho, u pyet gjithashtu edhe për situatën e disa lojtarëve, duke dhënë kështu opinionin e tij.
“Unë mendoj se të dyja skuadrat e nisin ndeshjen për fitore. Nëse dy ekipe barazojnë dhe nëse ajo ndodh ekipet nuk janë të afta të fitojnë, pra barazimi është pasojë e lojës. Nuk menaxhohet ndeshja për një pikë. Të dy ekipet vijnë në këtë sfidë për fitore. Është një fitore për ne. Karikimi është i duhur, Moldavia ekip i fortë në shtëpi ka fituar me Poloninë dhe ka barazuar me Çekinë.
E dimë se kemi një finale dhe një ndeshje të rëndësishme. Lojtarët e reflektojnë seriozitetin dhe janë të ndërgjegjshëm që nuk ka mbaruar asgjë për kualifikimin. Kemi bërë një ndeshje të mirë në shtëpi me Çekinë. Jemi përgatitur dhe nuk ka ndryshim në forcën tonë. Luajmë ndaj Moldavisë, një ekip i fortë, shumë cilësor me lojtarë të mirë dhe fizikë, dhe shumë e vështirë në shtëpinë e saj” .
Puna në Kombëtare- Sa i përket punës në një Kombëtare është e vështirë, duhet të pres në momentin e fundit për të shpallur listën për shkak të dëmtimeve në momentin e fundit, sic na ndodhi me Ajetin që për fatin e keq nuk ja doli dhe morëm Mersinaj, por jemi të kënaqur se kemi grup të duhur, janë psh 60-70 % të grupit që kanë luajtur gjitha ndeshjet, jemi të kënaqur me ata që kemi. Në futboll të dyja skuadrat luajnë për të fituar barazimi do ishte thjesht një pasojë, ekipin tim e kam parë në formë të mirë, lojtarët punojnë me seriozitet, janë të ndërgjegjshëm dhe e dinë që asgjë nuk ka mbaruar.” deklaroi Silvinho.
Si ndihet skuadra nga ana psikologjike? “Në futboll të gjitha skuadrat luajnë për të fituar. Nuk futet kush në fushën e lojës duke bërë llogari. Ekipin e kam parë gjatë këtyre ditëve në formë të mirë. Lojtarët po punojnë me seriozitet dhe janë të ndërgjegjshëm që nuk ka mbaruar asgjë akoma.”
Në fillim ishim surprizë e grupit, por a na e bën më të vështirë nesër që nuk jemi më surprizë por realitet? “Avantazhi që kemi ne është që jemi në këtë pikë të garës. Mendoj se nuk ka ndonjë avantazh në këtë drejtim, pasi kur nisi fusha kualifikuese e dinim që do të kishim një grup të vështirë përpara. Ne jemi në një moment të mirë, por jemi në një grup që janë katër skuadra që janë në garë për tu kaulifikuar. Jemi më mirë, por kemi shumë punë për të bërë dhe pikë të tjera për të fituar.”
