Moldavia, ose e quajtur ndryshe me epitetin “Trengjyrëshit”, për shkak edhe të ngjyrave në flamur, do të jetë kombëtarja e radhës që Shqipëria do të përballet.
Ndeshja do të luhet në “Stadionul Zimbru”, një stadium me kapacitet prej 10 mijë e 500 vendesh, i cili do të jetë i mbushur plot për duelin e 17 nëntorit.
Moldavia është në momentin më të mirë në historinë e saj, pasi nuk i është afruar ndonjëherë më parë kaq shumë mundësisë për t’u kualifikuar.
Themelimi ka qenë në vitin 1990 si federatë, ndërsa ndeshjen e parë jozyrtare e kanë zhvilluar ndaj Gjeorgjisë më 1991. Aktualisht renditen shumë më poshtë në FIFA sesa ne, duke mbajtur pozitën 157.
Në total, vlera e skuadrës shkon në 15 milionë euro, dhe lojtari më i shtrenjtë është Reabiçiuk i Spartakut të Moskës në Rusi, me një vlerë prej 5 mln eurosh.
