Ndodhet ende në automjetin tip “ Volswagen” trupi i pajetë i 39-vjeçarit Julian Balliu, i gjetur mesditen e sotme ne Daullas të Libofshes, në automjetin e parkuar në anë të rruges.
Ai është gjetur pa shenja jete, ku dyshohet se është vetëvrare me arme zjarri, ndërkohë që banoret e zones shprehen te habitur nga kjo ngjarje.
Ata pohojnë se zona e tyre është mjaft e qetë dhe deri ne oren 8:00 të mëngjesit nuk kanë parë asnje makine. Banorë të tjerë pohojne se rreth ores 8:30 automjeti ëstë pare i parkuar por nuk kane dëgjuar asnje krisme arme.
“Unë jam habitur kur kam parë policinë, se ca është bërë. Unë në 8:30 e kam parë makinën. Secili shikon hallin e tij, shtëpinë e tij. Ne shtëpi kemi grila, nuk dëgjohet as zhurmë. Nuk kam dëgjuar asgjë, jam habitur”– tha një prej banorëve
Për ta personi është i panjohur dhe nuk e kane pare me pare në zone. Ndërkohë grupi i ekspertizës është duke kryer veprimet hetimore .
