Kanë përfunduar sfidat e orës 18:00 të vlefshme për kualifikueset “EURO 2024”.
Në Grupin A, Spanja ka mposhtur në transfertë Qipron me rezultatin 3-1. Iberikët mbyllën llogaritë që në pjesën e parë me Yamal, Oyarzabal dhe Joselu.
Në pjesën e dytë, goli i Pileas për vendasit shërbeu vetëm për statistikë.
Në po këtë grup dueli mes Gjeorgjisë dhe Skocisë u mbyll në barazimin 2-2. Kvara ka shënuar dygolësh për Gjeorgjinë, por nuk ka mjaftuar për 3 pikët pasi Lawrence Shankland i prishi festën në minutat shtesë.
Spanja kryeson grupin me 18 pikë, ndërsa Skocia ndjek me 16 pikë. Të dyja ekipet janë të kualifikuara për në Europian, por vendi i parë në grup do të vendoset vetëm në takimin e fundit.
Në grupin F, në një ndeshje argëtimi pasi të dyja skuadrat janë jashtë gare, Azerbaijan-i drejtuar nga De Biasi ka mundur pastër 3-0 Suedinë.
Në ndeshjet e tjera, Austria ka triumfuar me 2 gola ndaj Estonisë në transfertë, ndësa Bullgari-Hungari u mbyll në barazim 2-2. Hungaria kryeson Grupin G me 15 pikë dhe ndjek Serbia me 13 pikë.
Shikoni golat Azerbajxhan-Suedi
Shikoni golat Bullgari-Hungari
