Policia e Shtetit, pas kontrollit të ushtruar në 201 subjekte, ka konstatuar 81 çerdhe dhe kopshte të cilat kryenin veprimtarinë në kundërshtim me ligjin. 63 prej tyre janë pa licencën përkatëse ose me dokumentacion të parregullt.
Autoritetet raportojnë se se më konkretisht bëhet fjalë për: 40 çerdhe dhe kopshte në Tiranë, 11 në Durrës, 4 në Lezhë, 4 në Shkodër, 2 në Fier, 1 në Vlorë dhe 1 në Gjirokastër. Për pronarët/administratorët e këtyre 63 subjekteve, Policia ka referuar materialet procedurale në prokuroritë respektive, për veprat penale “Ushtrimi i një aktiviteti tregtar të paligjshëm ose të paregjistruar në organet tatimore”, “Punësimi i paligjshëm”, “Mashtrimi”, “Fshehja e të ardhurave”, “Shpërdorimi i detyrës”, “Mospagimi i taksave dhe tatimeve” dhe “Pastrimi i produkteve të veprës penale ose veprimtarisë kriminale”.
Raportohet gjithashtu se për 18 subjektet e tjera që kryenin veprimtarinë në kundërshtim me ligjin, janë kryer verifikimet në bashkëpunim me Ministrinë e Arsimit dhe Sportit dhe me organet tatimore. Sipas uniformave blu, këto subjekte do të ndëshkohen me masa administrative, sipas shkeljeve të kryera.
- “Për subjektet e konstatuara në paligjshmëri në qarkun e Tiranës janë referuar materialet procedurale në Prokurorinë e Tiranës për pronarët/administratorët e këtyre subjekteve, shtetasit: A. B., 37 vjeçe, I. M., 49 vjeçe, L. O., 62 vjeçe, A. Y., 39 vjeçe, Xh. H., 68 vjeçe, M. Sh., 49 vjeçe, B. Gj., 60 vjeçe, G. T., 48 vjeç, A. N., 38 vjeç, F. D., 50 vjeçe, E. E., 42 vjeçe, B. H., 41 vjeçe, A. R., 55 vjeçe, B. M., 53 vjeç, E. K., 46 vjeçe, E. Th., 56 vjeçe, M. M., 20 vjeçe, Sh. R., 57 vjeçe, N. Q., 46 vjeçe, G. S., 48 vjeçe, I. M., 33 vjeçe, Gj. S., 61 vjeçe, P. U., 58 vjeçe, M. T., 58 vjeçe, B. Z., 31 vjeç, B. Z., 30 vjeç, J. M., 34 vjeçe, D. J., 35 vjeçe, E. D., 47 vjeçe, E. P., 45 vjeçe, L. P., 36 vjeçe, M. K., 34 vjeç, M. A., 47 vjeçe, A. A., 41 vjeç, M. J., 34 vjeçe, dhe E. N., 32 vjeçe, A. Sh., 41 vjeçe, A. H., 34 vjeçe, E. S., 35 vjeçe dhe N. Gj., 34 vjeçe, të gjithë banues në Tiranë.
- Për subjektet e konstatuara në paligjshmëri në qarkun e Tiranës janë referuar materialet procedurale në Prokurorinë e Durrësit për pronarët e subjekteve, shtetasit: D. J., 55 vjeçe, Z. D., 59 vjeçe, M. C., 31 vjeçe, K. D., 29 vjeç, A. K., 52 vjeçe, A. R., 52 vjeç, E. M., 39 vjeçe, E. Sh., 33 vjeç, N. G., 59 vjeçe, E. S., 49 vjeçe dhe L. K., 39 vjeçe, të gjithë banues në Durrës.
- Për subjektet e konstatuara në paligjshmëri në qarkun e Lezhës janë referuar materialet procedurale në Prokurorinë e Lezhës për administratorët e subjekteve, shtetasit: E. Sh., 55 vjeç, P. K., 65 vjeç, D. Ll., 29 vjeçe dhe F. T., 70 vjeç, të gjithë banues në Lezhë.
- Për subjektet e konstatuara në paligjshmëri në qarkun e Shkodrës janë referuar materialet procedurale në Prokurorinë e Shkodrës për administratoret e subjekteve, shtetaset E. B., 25 vjeçe, D. B., 40 vjeçe, B. M., 26 vjeçe dhe E. A., 35 vjeçe, të gjitha banuese në Shkodër.
- Për subjektet e konstatuara në paligjshmëri në qarkun e Fierit janë referuar materialet procedurale në Prokurorinë e Fierit për administratoret e këtyre subjekteve, shtetaset E. K., 47 vjeçe, banuese në Fier dhe B. M., 43 vjeçe, banuese në Lushnjë.
- Për subjektet e konstatuara në paligjshmëri në qarkun e Vlorës janë referuar materialet procedurale në Prokurorinë e Vlorës për pronaren e subjektit, shtetasen E. T., 44 vjeçe, banuese në Vlorë.
- Për subjektet e konstatuara në paligjshmëri në qarkun e Gjirokastrës janë referuar materialet procedurale në Prokurorinë e Gjirokastrës për administratoren e subjektit, shtetasen F. S., 52 vjeçe, banuese në Gjirokastër. “ – thuhet në njoftimin e Policisë.
Autoritetet raportojnë se në qarqet e tjera janë ushtruar kontrolle në dhjetëra çerdhe dhe kopshte, ku nga verifikimet rezultoi se veprimtaria kryhej sipas përcaktimeve ligjore, me dokumentacion të rregullt.
Vlen të theksohet fakti se ky reagim i Policisë vjen pas ngjarjes që tronditi opinionin publik, ku edukatorja Majlinda Dehima në kopshtin “Stinët” tek Ali Demi dhunoi një vajzë 3-vjeçare duke i thyer këmbën. Institucionet reaguan vetëm pasi ngjarja u denoncua në media, teksa u zbuluan një sërë paligjshmëri.
